आयपीएल 2025 मध्ये मुंबई इंडियन्सने दमदार पुनरागमन केले आहे. या संघाने मागील दोन्ही सामने खिशात घातले आहे. आयपीएलमधील यशस्वी संघात हा संघ पण एक आहे. या संघाने आयपीएलमध्ये आतापर्यंत 5 वेळा ट्रॉफीवर नाव कोरलं आहे. हा संघ दरवर्षी स्टार खेळाडूसह तरुण खेळाडूंना पण संधी देण्यात येते. मास्टर ब्लास्टर सचिन तेंडुलकर याचा मुलगा अर्जुन तेंडुलकर हा पण या संघात आहे. तो गेल्या काही हंगामापासून या संघाशी जोडल्या गेला आहे. पण या हंगामात त्याला मैदानावर उतरवण्यात आलेले नाही. याच दरम्यान त्याचा एक व्हिडिओ सोशल मीडियावर खूप व्हायरल होत आहे. काय आहे तो व्हिडिओ आणि त्यावर अशा कमेंट्स का देतायेत लोक?
अर्जुन तेंडुलकरचा हा Video व्हायरल
सचिन तेंडुलकरचा मुलगा अर्जुन तेंडुलकरचा एक व्हिडिओ सध्या चर्चेत आहे. या व्हिडिओत तो एका कॅफेतून बाहेर पडताना आणि कारमध्ये बसताना दिसत आहे. कॅफेतून बाहेर पडल्यानंतर तो गडबडीत दिसत आहे. तो कारचा दरवाजा झटपट उघडण्याची घाई करताना दिसून येतो. या अवघ्या काही सेंकदाच्या व्हिडिओवर युझर्सने तिखट प्रतिक्रिया दिली आहे.
एका युझर्सने तो नशेत तर नाही ना? अशी कमेंट केली आहे. तर दुसर्‍याने भाई, पिला तर नाही ना? असा सवाल उपस्थित केला आहे. तर याला अजून मैदानात उतरवले नाही, म्हणून तो चिडलाय, अशी प्रतिक्रिया दिली आहे. या व्हिडिओतून काही स्पष्ट होत नसले तरी युझर्सच्या तिखट कमेंटमुळे ते अर्जुन तेंडुलकर याला ट्रोल करत असल्याचे दिसून येत आहे.
वर्ष 2021 पासून मुंबई संघाचा भाग
अर्जुन तेंडुलकर हा वर्ष 2021 मध्ये मुंबई इंडियन्समध्ये दाखल झाला होता. पण त्या हंगामात जखमी झाल्याने त्याला खेळता आले नाही. त्यानंतर वर्ष 2022 च्या हंगामात त्याला मैदानात उतरवण्यात आले नाही. तर 2023 मध्ये कोलकत्ता नाईट रायडर्सविरोधात त्याने आयपीएलमध्ये सामना खेळला. त्या हंगामात त्याने चार सामन्यात तीन जणांना तंबूत पाठवले होते. तर या आयपीएल हंगामात, 2024 मध्ये त्याला केवळ एका सामन्यात खेळण्याची संधी मिळाली. पण यामध्ये त्याला कमाल दाखवता आली नाही. यंदा त्याला मुंबई इंडियन्सने 30 लाख रुपयांच्या बोलीवर खरेदी केले होते. आतापर्यंत त्याला 11 खेळाडूच्या यादीत स्थान मिळाले नाही.
मुंबई इंडियन्सकडे या हंगामात अनेक दिग्गज गोलंदाज आहेत. जसप्रीत बुमराह, ट्रेंट बोल्ट, दीपक चाहर या सारखे दिग्गज खेळाडू हे गेल्या काही हंगामापासून मुख्य 11 मध्ये सहभागी आहेत. याशिवाय हार्दिक पंड्या आणि मिचेल सेंटनर यांनी पण विरोधी संघाला पाणी पाजले आहे. त्यामुळे अर्जुन तेंडुलकर 11 जणांच्या यादीत येण्यासाठी सध्या वेट अँड वॉचच्या भूमिकेत आहे.